సెల్ఫీ పిచ్చి ఏంటో ఆస్వాదించక

పదిహేనేళ్ల క్రితం అనుకుంటా, చిరంజీవి గారిని ఒక యాంకర్ ఇంటర్వ్యూ చేస్తూ ... "మిమ్మల్ని ప్రేక్షకులు ఇంకో ముప్పయ్యేళ్లయినా చూస్తూనే ఉంటారు సర్" అంది. 

అప్పుడు చిరంజీవి గారు కథ లాంటి ఒక కల్పితాన్ని చెప్పారు. 

తిరుమలలో దర్శనానికి క్యూలో వచ్చిన భక్తులు కొందరు, కొద్ది సేపు కూడా మమ్మల్ని మా స్వామిని చూడనీయకుండానే పక్కకు తోసేస్తున్నారు అని గొడవ పెడితే ఒక వంద మంది పరమ భక్తుల్ని సెలెక్ట్ చేసి మీ ఇష్టం మీరు ఇక్కడయెంత సేపైనా స్వామిని చూస్తూ ఉండి పోవచ్చు మీకు ఇక్కడే సకల సౌకర్యాలు కల్పిస్తాం అన్నారట ఆలయ కార్యకర్తలు. 

ఇంకేముంది ఆ వంద మంది భక్తులు భలే! భలే! అని తెగ సంతోషించారట. 

గంట సేపటి తర్వాత ఆ కౌంట్ యాభై మందికి తగ్గిందట 

ఇంకో అరగంటకి ఇరవై కి చేరిందట

ఇంకో అరగంటకి ఐదు కి చేరిందట 

సాయంత్రానికి అక్కడ ఒక్కరు కూడా లేరట. 

అలాంటి వెంకటేశ్వర స్వామినే పట్టుమని పది గంటలు కూడా చూడలేదు అలాంటిది, ఆఫ్ట్రాల్ నన్ను ఇంకో ముప్పయ్యేళ్లు ఎవరు చూస్తారు? అని ఆ యాంకర్ తో అన్నారు 

సో, అందంగా, ఆకర్షణీయంగా ఉంది కదా అని ఏదైనా ఎక్కువ సేపు చూడలేం, నేను కూడా దీనికి మినహాయింపు కాదు.  నెమలి పురి విప్పింది కదా అని దాన్నే పది నిముషాల పాటు చూస్తూ కూర్చోలేను.  ఆ మెమోరీస్ ని మైండ్ లో, వీలయితే ఫోన్ లో బంధించుకొని బయల్దేరడమే.

"సెల్ఫీ పిచ్చి ఏంటో ఆస్వాదించక" అన్నాడు ఒక వ్యక్తి ఫేస్బుక్ లో బొటానికల్ గార్డెన్ లో ఒక రోజు పోస్ట్ కు స్పందిస్తూ. దీన్ని సింపుల్ గా వదిలేయచ్చు, కాకపొతే ఆ విషయం గురించి కాస్త ఆలోచించినప్పుడు చిరంజీవి ఇంటర్వ్యూ గుర్తొచ్చింది, ఇది ఒక పోస్ట్ గా రాస్తే బాగుంటుంది అనిపించి రాశా.  నేనేదో నెగటివ్ కామెంట్స్ తట్టుకోలేక రాసిన పోస్ట్ కాదు, నెగటివ్ గా అయినా సరే పాజిటివ్ గా అయినా సరే కామెంట్స్ తప్పక స్వీకరిస్తాను. అప్పుడప్పుడూ కామెంట్స్ అనేవి మరింత డిస్కషన్ కు కారణమవుతాయి, దాని వలన మరిన్ని కొత్త విషయాలు నాకు తెలుస్తుంటాయి. 

సెల్ఫీలు, ఫోటోల వల్ల కొన్ని కొన్ని ఉపయోగాలు కూడా ఉంటాయి. నమ్మండి నమ్మకపోండి, ఇది నిజం. మొన్న రాత్రి చీకట్లో ఫోటో తీశానా, తర్వాత చూసుకుంటే తెలిసింది ఆ ఫోటోలో రెండు స్టార్ట్స్ కూడా ఉన్నాయని.  ఇదిగో అదే ఆ ఫోటో

2 Stars found when I took a picture in the night,
can somebody tell me how to inform this to NASA :)

ఈ రెండు కొత్త స్టార్స్ గురించి NASA వాళ్లకు  తెలియజేయాలి, వాళ్ళను ఎలా కాంటాక్ట్ అవ్వాలో మీకెవరికైనా తెలిస్తే నాకు తెలియజేయరూ ప్లీజ్?

బొటానికల్ గార్డెన్ లో ఒక రోజు

ఎన్ని అడుగులు? అని అడిగా. 

ఏమిటా ప్రశ్న? అన్నాడు మిత్రుడు తిరిగి చూస్తూ 

అదే, ఆఫీస్ ఎన్ని అడుగులుంది అని?

ఇది మరీ పిచ్చి ప్రశ్న?

అహ ఏం లేదు ఉదయం నుండి చూస్తున్నా, ఆఫీస్ లో ఈ మూల నుంచి ఆ మూలకు తిరుగుతుంటేనూ, ఆఫీస్ యెంత పొడవుందో కొలుస్తున్నావేమో అనుకున్నా?

ఆ చివర్లో ఉన్న మీటింగ్ రూమ్ లో బ్యాక్ టు బ్యాక్ మీటింగ్ జరిగింది మా మేనేజర్ తో. 

అందుకేనా అంత బూడిద రాలింది ఆ రూమ్ లో. 

బూడిదా?

జోగి జోగి రాసుకుంటే రాలేది అదేగా. 

ఏడ్చావులే గానీ, ఈ ఆదివారం వెదర్ బాగుంది,  ఫ్రీ గా ఉంటే బొటానికల్ గార్డెన్ కి వెళదాం ఫామిలీస్ తో కలిసి అన్నాడు. 

ఆదివారం రోజు ఉదయాన్నే లేచి... 

"అలారం పెట్టుకొని లేచావో, అలారం పెట్టుకోకుండా లేచావో కూడా చెప్తే బాగుంటుందిగా, నువ్వు నీ సోది, చెప్పేదేదో త్వరగా చెప్పి తగలడు అని" మీరు అనుకుంటున్నారు కాబట్టి సింపుల్ గా చెప్పేస్తా. 

 బ్రెష్ చేసుకొని, బ్రేక్ఫాస్ట్ తిని, పిక్నిక్ బ్లాంకెట్ బ్యాగ్ లో సర్దుకొని బస్సులో ....  

"ఛస్, ఆపు నీ సోది, నువ్వు బ్రెష్ చేసుకున్నది, బ్రేక్ఫాస్ట్ తిన్నది, పిల్లలు పాలు తాగింది ఎవడికి కావాలి, డైరెక్ట్ గా విషయానికి రా" అని మీరు అనుకునే లోపు విషయానికి వస్తా.

బొటానికల్ గార్డెన్ కి వెళ్ళామా, ఆహా! చూడటానికి రెండు కళ్ళు చాలలేదనుకోండి. రెండు వాటర్ లేక్స్, మరో రెండు చోట్ల వాటర్ ఫాల్స్ , వెదురు బొంగులతో కట్టిన బ్రిడ్జ్, అందమైన రంగులలో ఉన్న ఆకులతో కూడిన చెట్లు  ఇలా చూడ్డానికి చాలా బాగుంది. భూమికి చలివేసి, పచ్చటి గడ్డిని బొంతలా కప్పుకొని వెచ్చగా పడుకొని ఉందా?... 

ఛస్, పరుచుకున్న పచ్చదనం, వెచ్చటి బొంత అనే సోది వర్ణనలు ఆపేసి విషయమేదో త్వరగా చెప్పి ముగించు అని మీరు అనుకుంటూ ఉంటారు కాబట్టి నవ్వించడానికి ఒక చిన్న జోక్ చెప్తాను. చాలా మందికి తెలిసే ఉండచ్చు, కాకపొతే మరో సారి గుర్తుకు తెచ్చుకుంటే పోయేదేమీ లేదు. 

రవీ, ఇంగ్లీష్ లో నెమలి ని ఏమంటారు?

తెలియదు సార్ . 

నిన్ననేగా క్లాస్ లో చెప్పుకున్నాం. 

గుర్తు లేదు సార్ . 

వెధవా! అలోచించి గుర్తు తెచ్చుకో? అని జుట్టు పట్టుకొని లాగసాగాడు. 

పీకాకు సార్ , పీకాకు సార్ .. 

అద్గదీ, నా చెయ్యి పడితే గానీ గుర్తు రాలేదు వెధవకి . 

పంది మీద జోక్ కాకుండా, నెమలి జోకే ఎందుకు చెప్పానంటే, నెమలిని అక్కడ చూసాను కాబట్టి.  నెమలి పురి విప్పి ఆడటాన్ని "లక్ష్మీ ప్రసన్న బ్యానర్" అని పేరు పడేటప్పుడు సినిమాలో చూడటం, వాళ్ళూ వీళ్లూ చెబితే వినడమే తప్ప చూడటం డైరెక్ట్ గా చూడటం ఇదే మొదటి సారి, అందుకే ఒక సెల్ఫీ విత్ నెమలి. 

ఇలాంటి నెమళ్ళు బొచ్చెడు ఉన్నాయి ఆ బొటానికల్ గార్డెన్లో. లోపలే కాదు బయట కూడా బోలెడు తిరుగుతూ ఉన్నాయి.

అక్కడ రెస్టారెంట్స్ ఉండవు కనుక ఎవరి ఫుడ్ వాళ్ళే తెచ్చుకోవాలి, లేదంటే అక్కడే ఏదో ఒకటి వండుకోవాలి ఇదిగో ఇలా మేము వండుకున్నట్లు.

ఇక్కడ ఎలక్ట్రిక్ BBQ ఉంటాయి పార్క్స్ లో, కొన్ని ఫ్రీ గానే స్విచ్ ఆన్ చేసుకొని యూజ్ చేసుకోవచ్చు, కొన్ని చోట్ల coin వేసి యూజ్ చేసుకునేవి ఉంటాయి.

సో, అలా ఒక రోజు గడిచింది Auburn బొటానికల్ గార్డెన్ లో.

P.S: నెమలి జోక్ మొదటిసారి నా మిత్రుడు చిన్ని చెప్పగా విన్నాను.